電動摩托車新世代

分享 近年，世界各大汽車公司都積極開發各種電動汽車。
所謂電動汽車（EV）包括混合車（HV）、混合動力車（PHEV），而各種電動車型都將鋰電池當作蓄電池進行搭載，所以鋰電池嘅開發係掌握下一代汽車嘅鎖匙。目前，混合動力車使用鎳氫電池，能量密度低，電池嘅行走距離只有短短嘅十多公里，為此能量密度高、續行距離長，而且冇安全問題嘅電池開發就迫在眉睫，呢個就係鋰離子電池。雖然鋰離子電池依家已經運用到手提電腦及手機等好多手提式電子機器上，而各種電動汽車用嘅能量必需係手機100倍嘅大容量高性能電池，依家呢種汽車用嘅大型鋰電池仲喺度開發緊。唔講唔知，鋰離子電池有一個特點：負極用鋰、陰極係用兩個氧化錳。
最大鋰電池材料供應商
鋰離子電池具有以下特點：體積小、質量輕，工作電壓高（係鎳鎘電池、氫鎳電池嘅3倍），能量較大、循環壽長、自放電率低、無記憶效應、無污染、安全性好等優點，所以當前許多知名嘅汽車製造商都致力於開發動力鋰電池汽車，如美國福特、佳士拿，日本豐田、三菱、日產、韓國現代、法國Courreges、Ventury等。而國內汽車製造商比亞迪（1211）、吉利（0175）、奇瑞、力帆、中興（763）等車企也紛紛喺自己嘅混合動力和純電動汽車中搭載動力鋰電池。因為未來新能源汽車替代傳統汽車趨勢將成為必然，而動力鋰電池作為新能源汽車嘅「心臟」，將催生龐大嘅產業經濟效應，對電池原材料供應商和廠商來說都係巨大嘅商業蛋糕。依家，喺香港嘅上市公司之中，搵到製造鋰電子原材料相關嘅企業只有中信資源（1205），佢主要係供應鋰電池所用嘅錳材料，所以喺比亞迪炒得咁勁後，相信未來市場將會炒動力車產業鏈，而中信資源就係唯一嘅選擇，未來股價可以炒到癲晒都得。

擁中非兩龐大錳礦資源
目前，中信資源擁有中信大錳，旗下控制中國廣西和西非加蓬兩個錳礦嘅開採權。廣西錳礦嘅探明儲量為碳酸錳約1.2億噸，二氧化錳約1,500萬噸，西非加蓬錳礦嘅探明儲量為錳礦石約3,000萬噸。喺2008年9月，中信資源已經表明會分拆中信大錳業務獨立上市，涉及的資產將包括廣西及西非嘅錳礦業務及資產，當時中信資源總經理兼行政總裁孫新國表明，分拆業務上市嘅保薦人為瑞銀及美林，其後受到環球金融海嘯影響，分拆事宜被推遲，但是舊年9月7日，前行政總裁孫新國進一步強調，中信資源希望盡快分拆中信大錳上市。因為中信資源分拆業務上市事在必行，所以未來股價可能會係炒電動車板塊而深受熱錢追捧，股價倍升不出為奇。